Добра ноќ Дедо
Дедо живееше убав живот, со прекрасна сопруга,
деца и внуци.
Во доцните години посебно се поврза
со неговата најмала внука, Сузи,
и сакаше да ги поминува вечерите со нејзе, читајќи ѝ приказни за добра ноќ додека ја гледаше како заспива.
Една вечер, истоштен и стар, ѝ се сврте на Сузи и ѝ рече: „Имам идеја. Бидејќи сум многу уморен вечерва, зошто не ми читаш ти мене некоја приказна како за промена?“
На Сузи ѝ се допадна идејата и одбра една од нивните омилени книги.
Така седната до Дедо, којшто сега удобно си лежеше во креветот, почна да чита...
Не помина многу време кога Дедо ги затвори очите и потона во длабок сон.
Сузи тивко го исклучи светлото, се наведна, го бакна образот на Дедо и прошепоти:
„Добра ноќ, Дедо. Те сакам. Убаво да спиеш.“
Дедо спиеше навистина убаво таа ноќ и сега
е со ангелите.